Foto: depositphotos.com
Atyraý qalalyq emhanasynyń bas býhgalteri qyzmettik jaǵdaiyn paidalanyp, 573 million teńgeden astam qarjyny óz paidasyna aýdarǵan, dep habarlaidy Tengrinews.kz.
Sot materialdaryna sáikes, býhgalter 2012-2023 jyldar aralyǵynda memlekettik biýdjetten bólingen qarajatty banktegi óz esepshottaryna zańsyz aýdaryp otyrǵan. Osylaisha, asa iri kólemde materialdyq ziian keltirilgen. Sot barysynda aiyptalýshy 3 million teńge qaitarǵan.
Aiyptalýshy kinásin ishinara moiyndap, ókinish bildirgen. Sot onyń kámeletke tolmaǵan balalary bar ekenin jáne keltirilgen ziiandy ishinara ótegenin eskere otyryp, 8 jylǵa bas bostandyǵynan aiyrý jazasyn taǵaiyndady. Onyń qylmystyq jolmen alynǵan múlikteri memleket paidasyna tárkilenedi jáne ol 10 jyl boiy qarjylyq jaýapkershilikpen bailanysty qyzmetterden shettetiledi.
Apelliatsiialyq sot birinshi instantsiianyń úkimin ózgerissiz qaldyrdy, úkim zańdy kúshine endi.
