4 qazan kúni Astana qalasyna Túrkiiadan Antalia jýrnalister odaǵynyń tóraǵasy Idris Tash bastaǵan arnaiy delegatsiia keldi. Túrkitildes jýrnalister qory sheteldik meimandardy áýejaidan kútip aldy. 4-7 qazan arasynda bolatyn jobada resmi kezdesýler, Astanaǵa press týr men ekskýrsiia uiymdastyrý josparlanǵan.
Túrkitildes jýrnalister qory men Dúniejúzilik sheteldik baspasóz assotsiatsiiasy (World Foreign Press Association - WFPA) «Shevron» kompaniiasynyń seriktestiginde 2023 j. 5 qazan kúni Astana qalasyndaǵy Ulttyq akademiialyq kitaphanada BAQ ókilderiniń basqosýy men «Áleýmettik jýrnalistika: BAQ-taǵy áleýmettik máseleler» taqyrybyna seminar-trening ótkizdi.
Delegatsiia quramynda «TRT» telearnasynyń Antalia filialy basshysy Mýhammed Ahmet Ódjal, «Akdeniz manşet» jáne «Ileri» gazetteriniń qojaiyny Mehmet Shifa Chichek, , «TRT» telearnasynyń prodiýseri Haireddin Deniz, «Anadoly agenttigi» tilshisi Súleiman Elchin, «Hürses» gazetiniń qojaiyny Ersin Aidyn, «Kemer sözcü» gazetiniń qojaiyny Ahmet Dýran Ienigún, Akdeniz ýniversiteti jýrnalistika fakýlteti dekanynyń orynbasary Yshyk Túnchel bar.
Qor janynan qurylǵan Media trenerler mektebiniń múshesi, Túrkiiadaǵy Akdeniz ýniversiteti Jýrnalistika fakýltetiniń aǵa oqytýshysy Yshyl Túnchel «Data jýrnalistika» týraly tájiribesimen bólisti.
Media trenerler mektebiniń múshesi, kásibi jýrnalist, IT salasynyń mamany Meiirjan Áýelhanuly «Jýrnalistikadaǵy jasandy intellekt» týraly tájiribesimen bólisti. Jasandy intellekt arqyly qalai kontent jasap úirenýdi túsindirip, tájiribe júzinde kórsetti.
Antaliia jýrnalister odaǵy delegatsiiasy iskerlik sapar barysynda Qazaqstan Respýblikasy Syrtqy ister ministrligine qarasty «Otandastar qory», «Qazaqstan» RTRK» AQ-da arnaiy kezdesý uiymdastyryp, otandyq telearnanyń jumysymen tanysty. QR Prezidenti janyndaǵy Ortalyq kommýnikatsiialar qyzmetine arnaiy bardy. Túrkiia TRT telearnasynyń Qazaqstandaǵy filialynyń jumysymen tanysty.
Birneshe kúnge jalǵasqan sapar aiasynda sheteldik meimandardyń Eýraziia Ulttyq ýniversiteti Jýrnalistika fakýltetiniń stýdentterimen kezdesýi josparlanǵan.
