Astanada qoǵamdyq tártipti saqtaý sharalary kúsheitildi. Qala kóshelerinde politsiia jasaqtary men Ulttyq ulan sarbazdarynyń sany artty, dep habarlaidy ult.kz.
Quqyq qorǵaý organdarynyń málimetinshe, kúsheitilgen rejim mańyzdy halyqaralyq is-sharalar qarsańynda engizilgen. Patrýldik qyzmetke politsiia bólimsheleri men Ulttyq ulannyń áskeri qyzmetshileri tartyldy.
Baǵyttarǵa shyǵar aldynda №5573 áskeri bóliminiń aýmaǵynda jalpy garnizondyq taratylym ótkizildi. Onda jeke quramnyń qoǵamdyq tártipti saqtaý men jol qaýipsizdigin qamtamasyz etýge daiyndyǵy tekserilgen.
Kúsheitilgen baqylaý kezinde quqyqbuzýshylyqtyń aldyn alý, azamattar kóp jinalatyn oryndardy baqylaý jáne joldaǵy qaýipsizdikti qamtamasyz etý basty nazarda bolady. Sondai-aq yqtimal oqiǵalarǵa jedel áreket etý tapsyrylǵan.
Tártip saqshylaryna turǵyndarmen sypaiy ári ádepti qarym-qatynas jasaý mindeti de erekshe eskertildi.
Aita keteiik, 28-29 mamyr kúnderi Astanada Joǵary Eýraziialyq ekonomikalyq keńestiń kezekti otyrysy men V Eýraziialyq ekonomikalyq forýmy ótedi.
