Almatydaǵy Respýblika saraiynda Abaidyń 175 jyldyǵyna arnalǵan poeziia jáne mýzyka keshi ótti, dep habarlaidy "Ult aqparat".
Saltanatty keshke qala ákimi Baqytjan Saǵyntaev, ziialy qaýym ókilderi, mádeniet qairatkerleri qatysty.
Uiymdastyrýshylardyń aitýynsha, esse-keshtiń maqsaty — Abaidyń mol murasyn nasihattaýǵa erekshe reń berý. Osy oraida poeziia men mýzyka keshinde oishyldyń ilimi jańa sipatta asqaqtatyldy.
Aita ketý kerek, kórermenge Abaidyń Abai bolyp qalyptasý, damý kezeńderi kórsetildi. «Álem esigi» prologynan bastaý alǵan is-shara jyl mezgilderine arnalǵan óleńdermen, al balalardyń bii kúidiń súiemeldeýimen oryndaldy.
Sondai-aq, aqyndyq-mýzykalyq, horeografiialyq qoiylymdar, sonyń ishinde Abaidyń mahabbat lirikasy, tabiǵat sulýlyǵyna arnalǵan qoiylymdary usynyldy. Buǵan deiin tek dombyrada oryndalyp kelgen «Segiz aiaq» ánin Nurjan Janpeiisov, Erlan Rysqali jáne Tilek Bazarov estrada-simfoniialyq orkestriniń súiemeldeýimen shyrqady.
Keshke kelgen kórermen Abaidyń «Kózimniń qarasy» ánin oryndap, aqynnyń óleńderin jatqa aitty.
