Búgin Qazaqstan men Halyqaralyq Qaita Qurý jáne Damý Banki arasyndaǵy kelisim sheńberinde quny 75 mln AQSh dollaryn quraityn «Orta bilim berýdi jańǵyrtý» jobasy resmi iske qosyldy. Bul týraly QR Bilim jáne ǵylym vitse-ministri Elmira Ortalyq kommýnikatsbialar qyzmetinde ótken baspasóz-málihatynda málimdedi. 17 jylǵa josparlanǵan joba eldegi orta bilim júiesiniń sapasyn arttyrý, bilim berýdegi qoljetimdilik pen teńdikti jetildirýdi kózdeidi.
Jobanyń maqsaty – orta bilim júiesiniń sapasyn kóterý, jańǵyrtýdy qoldaý, bilim berýdegi qoljetimdik pen teńdikti arttyrý, qala jáne aýyl oqýshylary arasyndaǵy oqý úlgeriminiń alshaqtyǵyn tómendetý.
«Jobanyń negizgi baǵyttarynyń biri – bilim berý materialdaryna qoljetimdikti arttyrý, mýltimedialyq jabdyqtarmen jaraqtaý jáne aýyl mektepteri muǵalimderiniń áleýetin kóterý arqyly aýyldyq jalpy orta bilim beretin mektepter men shaǵyn jinaqtalǵan mektepterdiń oqýshylarynyń úlgerimin jaqsartý. Osy maqsattarǵa jetý úshin 75 mln AQSh dollary bólinedi, sonyń ishinde Halyqaralyq Qaita Qurý jáne Damý Banki qaryzy – 67 mln AQSh dollardy, Qazaqstanmen birlesip qarjylandyrý qaryzynyń somasy 8 mln AQSh dollaryn quraidy», - dedi vitse-ministr.
Sýhanberdieva joba aiasynda jańartylǵan birim berý mazmunyn qoldaýǵa arnalǵan bastamalar kesheni josparlanǵanyn atap ótti. UBT men ÓSJB testileýdiń jańa standarttaryn jasaý, test tapsyrmalary bazasyn mýltimedia elementterimen jańartý, oqýlyqtar saraptamasy talaptaryna jańartylǵan standarttar engizý kómegimen baǵalaý júiesin qaita qaraý kózdeledi. Oǵan qosa, osy sharalar aýyldaǵy jalpy bilim beretin mektep pen shaǵyn jinaqty mektepterde oqýshylardyń oqý úlgerimin bilim berý materialdaryna qoljetimdilik, mýltimedialyq qural-jabdyqtarmen jabdyqtaý, aýyl muǵalimderiniń áleýetin kóterý arqyly jaqsartýǵa baǵyttalady.
«Joba qarajatynyń 60 paiyzy 5 myńnan astam aýyldy, ásirese shalǵai aýyldardaǵy mektepterdi mýltimedialyq jabdyqtarmen jaraqtandyrýǵa baǵyttalady. Búgingi tańda elimizde 7014 mektep bar, onyń 5500 astamy – aýyl mektepteri», - dedi vitse-ministr.
Joba jańa tsifrlyq bilim berý resýrstaryna qol jetimdilikti jaqsartyp, halyqaralyq testileýdiń onlain formatynda ótkizý úshin materialdy-tehnikalyq qoldaýdy kórsetedi. Oǵan qosa, osy sharalar qala jáne aýyl mektep oqýshylary arasyndaǵy oqý úlgeriminiń alshaqtyǵyn tómendetýge yqpal etedi.
