«Қазгидромет» РМК 2-4 қараша аралығындағы ауа райы болжамын жариялады, деп хабарлайды "Ұлт ақпарат".
«Белсенді циклон Батыс Сібірге, ал онымен байланысты арктикалық фронттар Қазақстанның батыс және солтүстік облыстарына ығысты. Батыс өңірлерде күн суытып, ауа температурасы климаттық нормадан 1…3°С төмендеді. Алдағы демалыс күндері суық атмосфералық фронттар шығыс бағытқа қарай жылжып, республиканың көптеген облыстарында жауын-шашын, тұман түседі, көктайғақ болып, екпінді жел соғады», - делінген хабарламада.
Фронттардың артынша келетін суық антициклонға байланысты температура 3…12°С-қа дейін, оңтүстікте 0-5°С-қа дейін төмендейді.
967 рет оқылды
