«Қайрат» ФК-ның қадағалау кеңесінің төрағасы Қайрат Боранбаев алматылық команданың бас жаттықтырушысы болып неміс маманы тағайындалғанын мәлім етті, деп хабарлайды Vesti.kz порталы.
«Біз бүгін Германия ұлттық құрамасы жаттықтырушысының кеңесшісімен келісімшарт жасастық. Ол Германия құрамасымен 19 жыл жұмыс істеген. Бұл маман академияның командасына кеңес беретін болады. Менің ойымша, неміс футболы біздікіне ұқсас. Ол айтарлықтай зор болмағанымен, нәтижелі. Егер Феррер бірінші орын алғанда оны қалдырар едік. Қазіргі жағдайға тек бір адам ғана кінәлі деп айтуға келмейді. Біз жаңа жаттықтырушының үміткерін анықтап қойдық. «Қайратты» неміс маманы жаттықтырады. Ол команданы осы чемпионаттың аяғына дейін басқарады. Андрей Карпович «Қайраттың» жаттықтырушысы міндетін уақытша атқаратын болады. Оның жұмыс істеуге деген ынтасы зор әрі тәжірибесі де аз емес. Карповичтің алдында Қазақстан Кубогын ұту міндеті тұр», -деді Боранбаев.
Еске салайық, бүгін алматылық «Қайрат» командасы бас жаттықтырушы Карлос Феррер қызметінен босатылған еді.
1583 рет оқылды
