Фото: 24KZ
Астана медицина университетінің жетінші курс студенті Дінмұхаммед Бектұрған ҚР Денсаулық сақтау министрі Ақмарал Әлназарованың атынан Құрмет грамотасымен марапатталды, деп хабарлайды Ult.kz.
Марапаттау рәсімі Астана медицина университетінің қабырғасында өтті. ЖОО Басқарма Төрағасы – Ректоры міндетін уақытша атқарушы Анар Тұрмұхамбетова да студентке Алғыс хат табыс етті. Сонымен қатар, әуе кеме командирі Абай Алданазаров пен әуекомпанияның техникалық ұшқышы Ғаниден Әбілмажинов "Qazaq Air" әуекомпаниясы атынан Дінмұхаммедке тегін әуе билеттері мен алғыс хатты табыс етті.
Сондай-ақ, AMANAT партиясы Астана қалалық филиалының атқарушы хатшысы Мұхаммед Болысбек те елордалық филиалының атынан Дінмұхаммедке алғыс айтып, тілегін білдірді.
342 рет оқылды
