_48_48.webp)
Шығыс Қазақстан облысы Бородулиха ауданында су басу қаупі сейілді, деп хабарлайды "Ұлт ақпарат".
ШҚО Төтенше жағдайлар департаменті баспасөз қызметінің мәліметіне сүйенсек, Новопокровка ауылында су деңгейі түсті. Қазіргі уақытта тұрғын үйлер аулаларынан қарғын су кеткен.
«Осыған дейін жер үйлерден 36 адам эвакуацияланған болатын. Барлық азаматтар туған-туыстарының баспаналарына орналастырылды. Жалпы, осы жұмыстарға ШҚО ТЖД-ның 37 құтқарушысы, 2 техникасы, 1 жүзу құралы және 4 мотопомпа, Семей қаласы № 68303 әскери бөлімінің 19 әскери қызметшісі, 4 техникасы, жергілікті атқарушы органдардың 30 қызметкері мен 15 техникасы жұмылдырылды. Сондай-ақ құмы бар 400 дана қап төселген», - делінген хабарламада.
Қазіргі уақытта құтқарушылар мен жергілікті атқарушы орган өкілдері ауылдағы жағдайға мониторинг жүргізуді жалғастыруда.
981 рет оқылды_140_110.webp)
_80_80.webp)
