#
#
Сенбі 17/04/2021

Павлодарда Естайға ескерткіш орнатылады

  • 03.03.2021
  • 0
  • 182

Павлодар облысында Қазақстан Тәуелсіздігінің 30 жылдығы мен Наурыз мерекесінің қарсаңында жастардың жұмыспен қамтылуы мен әлеуметтік мәселелерге ерекше назар аударылуда, деп хабарлайды "Ұлт ақпарат".

«Жастардың жұмыспен қамтылуы мен әлеуметтік мәселелерге ерекше назар аударылатын болады. «Uzdik Maman» байқауы, жұмыс істейтін жастар арасында сайыстар, техникалық колледждер базасында WorldSkills өңірлік чемпионат ұйымдастырылады. «Мерейлі отбасы», «Тәуелсіздік құрдастары» және «Ertis Daryny» байқаулары өтеді. Бұдан басқа, білім беру және зерттеушілік жобаларда табыстарға жетуге тырысып жүрген талантты жастарымызды ілгерілету бойынша шаралар ұйымдастырылады», - деді Ақпарат және қоғамдық даму басқармасының басшысы Азамат Байтенов.

Оның айтуынша, жалпыұлттық «Мерейлі істер марафонында» жыл ішінде Павлодар облысының ірі өнеркәсіп кәсіпорындары, бизнес, үкіметтік емес, соның ішінде жастар мен еріктілер ұйымдарының қатысушылары қатысады. 

«Мерейтойлық күнтізбеге Жамбыл Жабаевтың 175-жылдығы, Қажымұқан Мұңайтпасовтың 150-жылдығы, Әлихан Бөкейхановтың 155-жылдығы, Ыбырай Алтынсариннің 180-жылдығы, Мұқағали Мақатаевтың 90 жылдығы және Семей ядролық полигонының жабылғанына 30 жыл толуына орайластырылған шаралар да кірді»,- деп атап өтті А.Байтенов. 

21 наурызда Павлодарда Ертіс маңының тумасы, ақын, әнші және композитор Естай Беркімбаев ескерткішінің ашылуы өтеді. Бұл күні Павлодардың Естай атындағы Мәдениет сарайы мен «Шаңырақ» орталығында, өңірдің басқа қалалары мен аудандарында өскелең ұрпақ арасында домбыра тартуды әспеттеуге арналған дәстүрлі ән орталықтары ашылады, деп хабарлады Павлодар әкімінің баспасөз қызметінен.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар