16 сәу, 2021 сағат 09:11

Оралда Lexus автокөлігі қағып кеткен 25 жастағы қыз жансақтау бөлімінде жатыр

Оралда Lexus 25 жастағы қызды қағып кетті, деп хабарлайды "Ұлт ақпарат".

БҚО полиция департаментінің баспасөз қызметі мәлім еткеніндей, оқиға 16 сәуір күні таңмен «Нан зауыты» аялдамасы маңында болды.

1964 жылғы жүргізуші Lexus автокөлігімен 1995 жылы желтоқсанда туған қызды қағып кетті.

Облыстық денсаулық сақтау басқармасы баспасөз қызметінің нақтылауынша, жедел жәрдем бригадасы сағат 08.59-да жетті.

Қыз облыстық көпбейінді ауруханаға жеткізілді. Аурухана мәліметіне қарағанда, басынан жарақат алған қыздың жағдайы өте ауыр, жансақтау бөлімінде жатыр.