Фото: Pexels.com
Жыл басынан бері әлеуметтік инспекторлар 156 тексеру жүргізді. Оның 76-сы жоспардан тыс болса, 19-ы профилактикалық бақылау шеңберінде және 61-і прокуратураның талабына сәйкес орындалған, деп хабарлайды Ult.kz Еңбек және халықты әлеуметтік қорғау министрлігінің баспасөз қызметіне сілтеме жасап.
Нәтижесінде 14,5 млн теңгеден астам сомаға 46 айыппұл салынды. Ал анықталған заң бұзушылықтарды жою туралы 34 ұйғарым берілген.
Тексеру барысында мүгедектігі бар адамдардың құқықтарын қорғау, оларға қолжетімділікті қадағалау назарға алынады. Оның ішінде арнайы пандустардың болмауы, белгілердің орналастырылмауы сияқты фактілер бар.
2024 жылы халықтың әлеуметтік осал санаттарының құқықтарын қорғау мақсатында 2,6 мыңнан астам тексеру жүргізіліп, 230,3 млн теңгеден астам айыппұл салынған.
367 рет оқылды
