20 нау, 2025 сағат 16:01

Мектептерде тағы 195 стоматологиялық кабинет ашылады

ҚР ДСМ

Соңғы жылдары Қазақстанда ауыз қуысы ауруларының өсуі, оның ішінде тісжегі мен тіс жұлудың асқынған түрлерінің саны өсті. Тексерілген 10 баланың 7-уіне тісжегі бар тістер диагнозы қойылады. Осыған байланысты, өткен жылы Министрлік 2024-2028 жылдарға арналған «Болашаққа – сау тіспен» мектеп жасындағы балалардың стоматологиялық ауруларының профилактикасын жетілдіру жөніндегі жол картасын бекітті, деп хабарлайды Ult.kz.

Білім беру ұйымдарында стоматологиялық аурулардың профилактикасы кабинеттерін ашу және одан әрі жұмыс істеу бойынша ҚР Білім министрлігімен бірлескен іс-шаралар жоспары әзірленді. 

Осы жоспардың шеңберінде республика бойынша 145 стоматологиялық кабинет жұмыс істейді, 2025 жылы тағы 195 стоматологиялық аурулардың профилактикасы кабинетін ашу жоспарлануда.

Бүгінде еліміздің мектеп ұйымдарында стоматологиялық аурулардың профилактикасы бойынша фото және бейнематериалдарды, оқушыларға арналған ауыз қуысының гигиенасы сабақтарын, стоматолог дәрігерлерге, дантистерге және стоматологиялық гигиенистерге арналған ғылыми-практикалық конференцияларды пайдалана отырып, кең ауқымды санитариялық-ағарту жұмыстары жүргізілуде.