Жоба Жетісу, Қарағанды және Ұлытау облыстарында қарқынды түрде жүзеге асырылуда. «Тазарту» жобасы аясында жаппай көшіру әртүрлі әдістермен, соның ішінде дауыстық шлюздерді пайдалану және жаңа оптикалық желілерді салу арқылы іске асырылады.
Жыл соңына дейін телекоммуникация операторы 70 000-нан астам клиентті мыстан талшыққа ауыстыруды көздеп отыр. Биыл қалалар ғана емес, аудан орталықтары мен ауылдық елді мекендерде де оптикаға көшіру белсене қолға алынуда. Нәтижесінде Атырау облысындағы Алмалы және Батыс Қазақстан облысындағы Тасқала сияқты бірнеше ауыл «цифрлық» атанды.
«Қызмет көрсету жағынан оптикалық технология арзанырақ, әрі пайдалану барысында сенімді қосылу қамтамасыз етеді, әрі жылдамдығы жоғары интернетпен қатар, кез келген цифрлық сервис пен қызметтерді қосуға мүмкіндік береді. Бұдан басқа, «оптикаға» көшу клиенттер үшін толығымен тегін, клиентке ыңғайлы уақытта жүргізіледі», - деп хабарлайды «Қазақтелеком» АҚ «Желі» дивизионы» бірлестігінің пайдалану жөніндегі директоры Ғазинұр Райымханов
Қазақтелеком желілік инфрақұрылымды дамытып, жаңғырта отырып, ауылдар мен аудан орталықтарын цифрландыруға бағытталған жұмыстарын қарқынды жүргізуде. «Тазарту» бағдарламасының негізгі мақсаты – Интернет сапасын арттырып, еліміздің барлық азаматтарын заманауи цифрлық қызметтермен қамтамасыз ету. Жобаны іске асыру барысында телеком-оператор 137 мың шақырымнан астам мыс желісін ауыстыруға ниетті.
7 рет оқылды
