«Қазақтелеком» Астанада компанияның ірі нысандарының біріне айналатын және TIER III стандартына сәйкес келетін жаңа дата-орталық салу жоспарын жариялады. Оның сыйымдылығы 250 тіректі құрайды, оның 25-і жасанды интеллектті дамытуға арналған.
Телеком-оператор Алматыда өткен Data Center Design & Engineering Kazakhstan бірінші халықаралық форумында өзінің дата-орталықтар желісін дамыту жоспарлары туралы мәлімдеді. Форум деректер орталықтарын жобалау, салу және пайдалану саласындағы жетекші сарапшыларды жинады. Форум аясында қатысушылар телеком-оператор пленарлық отырыстар мен пікірталастарға қатысып, дата-орталықтар желісін дамыту және оларды пайдалану бойынша тәжірибелерімен бөлісті. Сондай-ақ қатысушыларға өткен жылы қазақстандық әзірлеудің төрт жаңа бұлтты сервисінің іске қосылғаны туралы айтылды.
«Біз үшін мұндай форумдарға қатысу – бұл трендтерді талқылап қана қоймай, олардың даму векторын белгілеу мүмкіндігіне ие болдық. «Қазақтелеком» бизнес пен мемлекет үшін сенімді цифрлық негіз құра отырып, деректерді өңдеу орталықтарының инфрақұрылымы мен бұлтты технологияларға белсенді инвестиция салуда», – деп атап өтті «Қазақтелеком» АҚ Ақпараттық технологиялар Дивизионының филиалы Ақпараттық-коммуникациялық технологиялар өнімдерін дамыту жөніндегі директоры Рустем Нысанбаев.
Форумда өнеркәсіптің негізгі мәселелері талқыланды: өсіп келе жатқан жүктемелер жағдайында дата-орталықтардың ақауларына төзімділікті қалай қамтамасыз ету керек, AI айналасындағы хайп инфрақұрылымның дамуына қалай әсер етеді, масштабтау үшін энергия қуаты жеткілікті ме, сондай-ақ дәстүрлі шешімдерді қандай серверді салқындату технологиялары алмастырады.
«Бүгінде деректерді өңдеу орталығы – бұл жай ғана инфрақұрылым емес, елдің цифрлық тәуелсіздігін қамтамасыз ететін стратегиялық актив. Біз бұл саланы дамыту тек технологиялық шешімдерді ғана емес, сонымен қатар инфрақұрылымды жаңа сын-тегеуріндерге бейімдеуге сауатты көзқарасты талап етеді деген сенімдеміз», – деп атап өтті «Қазақтелеком» АҚ Ақпараттық технологиялар Дивизионының филиалының техникалық директорының орынбасары Владимир Новиков.
Data Center Design & Engineering Kazakhstan форумы тәжірибе алмасу және саланың болашағын талқылау үшін маңызды алаңға айналды, онда «Қазақтелеком» шешуші рөл атқаруды жалғастыруда. Бүгінгі таңда компанияның деректер орталықтарының желісі Қазақстанның барлық ірі қалаларын қамтиды.
11 рет оқылды
