Қазақстанда жеке куәліктің дизайны өзгерді – құжатта бірнеше жаңа жолақ пайда болды. Жаңа үлгідегі жеке куәліктер қазақстандықтарға 15 маусымнан бастап беріліп жатыр, деп хабарлайды "Ұлт ақпарат" Polisia.kz сайтына сілтеме жасап.
Ведомство ақпараты бойынша, жаңа үлгідегі жеке куәліктің бет бөлігінде орналасқан жолақта адамның азаматтығы мен жынысы туралы қосымша мәліметтер жазылып тұрады. Бұрын бұл ақпарат құжатқа орнатылған чипте еді.
"Жеке куәліктің жаңа дизайнын жасау үшін бюджеттен шығындалудың қажеті жоқ, оған қоса ол азаматтардың жаңа құжаттарды алу үшін төлейтін мемлекеттік баж салығының сомасына әсер етпейді (2024 жылы мемлекеттік баж сомасы – 738,4 теңге). Жарамдылық мерзімі өтпеген жеке куәліктердің заңды күші сақталады", - деді ІІМ өкілдері.
Ведомство мәліметіне сүйенсек, құжаттарды бір мезгілде жаппай ауыстырудың керегі жоқ. Яғни қазақстандықтарға жаңа үлгідегі жеке куәліктерді мынадай жағдайда алуға болады:
- азамат жеке куәлікті ауыстыру туралы өтініш беріп, ала алады;
- бұрынғы жеке куәліктің мерзімі өтіп кеткен жағдайда оны ауыстыруға өтініш бере алады;
- өзге себептер бойынша қолданыстағы құжаттар жарамсыз болып саналса, жеке куәлікті ауыстыруға өтініш беру керек.
764 рет оқылды
_140_110.webp)
