Алматыда Медеу ауданындағы бірқатар мекеменің қызметі карантин шараларын бұзғаны үшін сот шешімімен тоқтатылды, деп хабарлайды "Ұлт ақпарат".
Бұл туралы аудан әкімі Әсет Масабаев пен Медеу ауданы Санитарлық-эпидемиологиялық бақылау басқармасының басшысы Қасымхан Алпысбайұлы өткізген брифингіде айтылды.
Коронавирус инфекциясын таратпау, карантин режимі мен санитарлық-эпидемиологиялық талаптардың бұзылуын анықтау мақсатында ауданда мониторинг топтары жұмыс істеп жатыр.
«Жұқтыру қаупі жоғары орындар - қызметіне тыйым салынған мейрамханалар, клубтар. Ауданда адамдар көп жиналатын негізгі орындар, яғни қауіпті деп - «Небо», «Манана», «Бла Бла», «Артист (бұрынғы БХБ)», «Барвиха», «Бармаглот», «Синий фантомас», «Танцы бары» сияқты түнгі мекемелерді атауға болады. Мысалы, аталған түнгі клубтардың барлығы карантин шараларын бұзғаны үшін бірнеше рет әкімшілік жауапкершілікке тартылды»,- деді Әсет Масабаев.
Бүгінгі күні аудандық Полиция басқармасынан Медеу ауданының Санитарлық-эпидемиологиялық бақылау басқармасына 105 шұғыл хабарлама келіп түсті.
92 хаттама толтырылды, оның ішінде: 37 заңды тұлғаға 12,4 млн теңге; 55 жеке тұлғаға 2,4 млн теңге айыппұл салынды. Барлығы сотқа 16 материал жіберілді.
«Оның ішінде 2021 жылдың басынан бері қабылданған шаралар бойынша 8 нысан:
1. «Бармаглот» бары, Әл-Фараби даңғылы 116/21 – 10 ақпанда 100 АЕК (277 800 теңге) мөлшерінде әкімшілік хаттама және 1 айға қызметін тоқтату;
2. «Dreams Almaty» лаундж бары, Ғ.Қайырбеков көшесі 35а, 15 ақпаннан бастап 100 АЕК түрінде (277 800 теңге) әкімшілік хаттама және 1 айға қызметі тоқтатылды.
3. «Пугасов» мейрамханасы Абдуллиндер көшесі 70, 16 ақпаннан бастап 100 АЕК көлемінде әкімшілік (277 800 тг) хаттама толтырылды және 1 айға қызметі тоқтатылды.
4. «Manana» мейрамханасы Достық даңғылы 535, 17 ақпаннан бастап қызметі 15 күнге тоқтатылды.
5. «Orda Game Center» компьютер клубы, Бәрібаев көшесі 43-10, ақпаннан бастап қызметін 30 күнге тоқтату;
6. «Бильярд клубы» Абдуллиндер көшесі 50, 5 наурыздан бастап карантин шаралары алынғанға дейін қызметін тоқтату;
7. «Loto Club» бинго клубы Гоголь көшесі 2, 5 наурыздан бастап карантин шаралары жойылғанға дейін қызметін тоқтата тұру;
8. «Loto Club» бинго клубы Пушкин көшесі 44/51, 5 наурыздан бастап карантин шаралары алынып тасталғанға дейін қызметі тоқтатылды.
«Соттың қарауында 8 материал бар», - деді Әсет Масабаев.
Тұрғындар Медеу ауданы бойынша 8-701-378-4468, 8-778-163-0103 нөміріне хабарласып шағым қалдыра алады.
