Нұрсұлтан Назарбаев әуежайы жұмысын қайта жандандырды, деп хабарлайды "Ұлт ақпарат".
«Нұрсұлтан Назарбаев әуежайы жұмысын жандандырды. Ұшу-қону жолағы ашық. Дегенмен, әлі де кейінге шегерілген рейстер бар. Ұшулардың жаңаруына байланысты кесте ретке келетін болады. Рейстер туралы мәліметтерді әуе компанияларының колл-орталықтарынан, әуежайдың анықтама қызметінен және әлеуметтік желілерінен нақтылап алуды өтінеміз», - деді әуежайдың баспасөз қызметі Әнуар Шалекенов.
Еске салайық, кеше Нұр-Сұлтан қаласының әуежайы қар тазалау жұмыстарын жүргізу үшін алдымен, сағат 16:30-20:00 аралығында жабылды. Кейіннен бұл мерзім сағат 00.00-ге, одан соң 03-00-ге дейін ұзартылды. Орындалуы тиіс болған бір рейс тоқтатылып, екеуі басқа айлақтарға жіберілді.
966 рет оқылды
