Фото: ©El.kz/Арман Мухатов
Астанада 39 жастағы әйел «Қазпошта» филиалдарының бірін қиратып кеткен, деп хабарлайды «Ұлт ақпарат».
Қалалық әкімдік мәліметінше, ол әкімшілік жауапкершілікке тартылған. Оқиға Күйші Дина көшесінде орналасқан «Қазпошта» филиалында болған.
39 жастағы астаналық жанжал кезінде құрылғыны лақтырып, компьютерді сындыру арқылы материалдық шығын келтірді. Ол ұсталып, әкімшілік жауапкершілікке тартылды, - делінген мәліметте.
Астанада жыл басынан бері сот 260-қа жуық адамды бөтеннің мүлкін қасақана бүлдіргені, жалпы пайдалану орындарын ластағаны, ғимараттар мен тұрғын үй-жайларды бүлдіргені үшін жазалады. Олардың барлығы жауапқа тартылды.
50 рет оқылды
