Бүгін марқұм Арман Дүйсеновтың ұлы Абылай дүниеден өткені хабарланды. Жас жігіттің неден қайтыс болғаны әзірше белгісіз. Продюсер Баян Мақсатқызы осы трагедияға байланысты БАҚ өкілдері мен әртістерге үндеу жолдады.
Продюсер Абылай не мәселемен оған жүгінгені туралы баяндады.
"Арман Дүйсеновтың ұлы дүниеден озды. Иманды болсын! Бұл өте қайғылы жаңалық. Абылай, Арманның ұлы маған хабарласқан. Өмірінде бір рет, бұған дейін ешқашан хабарласпаған. Маған хабарласып, менен көмек сұрады. Ол маған екі сағаттан кейін телеканалдардың бірінде әкесі туралы бағдарлама шығатынын, оған шоубизнес өкілдері қатысатынын және бағдарлама Арман туралы және олардың отбасы туралы болатынын айтты. Бағдарламада айтылуы қажет емес дүниелер айтылмақшы екенін түсіндім. Мен оған айттым: «Абылай, егер сен маған кеше хабарласқаныңда, мен бұл мәселені реттей алар едім, бірақ екі сағатта реттеу мүмкін емес». Оның жан дүниесі жылап жатты. Ол маған «Олар әкемнің атына кір келтіруде» деді", - деді Баян Мақсатқызы.
Осыдан кейін Баян Мақсатқызы әртістердің өмірін қазбалай бермеңдер деп, БАҚ өкілдері мен әртістерге өтінішін жеткізді.
"Мен оның неден қайтыс болғанын білмеймін. Қазір мен Айсұлуға, анасына барамын. Ол да маған хабарласқан. «Баян, баламды кешірші. Мен оған неге хабарласасың деп ұрыстым. Ол осы мәселеге қатты алаңдап жүр. Ол әкесін қатты жақсы көреді. Ол туралы естеліктің бәрі оған ауыр тиеді», деді. Арманды мен жақсы білетіндіктен, ұлының қандай адам екенін де білемін.
Менің журналистерге және өнер адамдарына өтінішім бар. Өтінемін, біреудің сырын жұртқа жаюды доғарыңдар. Өйткені мұның артында бүлінген тағдырлар емес, үзілген өмірлер тұр. Мен ол баланың неден қайтыс болғанын білмеймін, қазір білемін. Бірақ бұл тақырып ол үшін ауыр жара болғанын түсінемін. Оны өзгелер түртпектеп, одан сайын ауырта берді. Біреудің өміріне қол сұғуды доғарыңдар, өтінемін!", - деді продюсер.
981 рет оқылды
