#
#
Жексенбі 11/04/2021

Алматылық дәрігерлер қаңтарда 1,77 млрд теңге көлемінде үстемеақы алды

  • 04.03.2021
  • 0
  • 143

2021 жылдың қаңтар айында Алматы қаласында эпидемияға қарсы күреске жұмылдырылған медицина қызметкерлері 1,77 млрд теңге көлемінде үстемеақы алды. Бұл туралы «Әлеуметтік медициналық сақтандыру қоры» КЕАҚ Алматы филиалы мәлімдеді, деп хабарлайды ҚазАқпарат.

Филиал басшысы Тілеухан Әбілдаевтың айтуынша, жылдың алғашқы айында: 

Бірінші қауіп тобына кіретін қызметкерлерге – 877 млн теңге (барлығы 1504 адам);

Екінші қауіп тобына кіретін қызметкерлерге – 644,7 млн теңге (барлығы 1916 адам);

Үшінші қауіп тобына кіретін қызметкерлерге 254,4 млн теңге (1567 адам) төленді.

Бұған дейін хабарланғандай, пандемия басталған 2020 жылдың наурызынан бері МСҚ коронавирус пен пневмонияға қарсы күресіп жатқан медицина қызметкерлеріне үстемақы төлей бастаған болатын. 

«Алматы қаласы бойынша өткен жылдың наурыз-желтоқсаны аралығында коронавирусқа шалдыққан сырқаттарды емдеуге 7,3 млрд теңге бөлінді. 165 мың адам ПЦР-тест тапсырған, оған 1,8 млрд теңге қарастырылды. Медицина қызметкерлеріне жалақыға қосымша ақы ретінде 16,7 млрд теңге төленді», - деді Тілеухан Әбілдаев.

Естеріңізге сала кетсек, Қазақстанда коронавирус пен пневмонияға шалдыққан науқастар тегін емделеді, ол үшін сақтандырылған болу шарт емес. Сонымен қатар, пациенттер COVID-19 жұқтырған жағдайда мобильді бригадалар мен үй жағдайындағы стационар қызметін пайдалана алады.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар