Бүгін түскі сағат 12: 55-те Алматыда дабыл (сирена) белгісі іске қосылады, деп хабарлайды, «Ұлт ақпарат».
«2021 жылы 25 ақпанда сағат 12.55-те Алматы қаласы Төтенше жағдайлар департаменті қоғамдық ескерту жүйесінің дайындығын жоспарлы техникалық тексеруден өткізеді. Жаттығу кезінде: «Назар аударыңыздар!» хабарламасымен бірге электронды дабыл іске қосылады. Оған қоса, телерадиоарналардың жұмысы автоматты түрде тоқтатылып, дабыл хабарламасы таратылады»,- деп хабарлады Төтеше жағдайлар департаметінен.
Департаменттегілер Алматы қаласының тұрғындары мен қонақтарынан сабыр сақтауды сұрайды.
Егер дабыл кезінде сіз үйде болсаңыз, онда:
- радиоқабылдағышты немесе теледидарды қосыңыз;
- төтенше жағдай туралы хабарламаны тыңдаңыз;
- берілген хабарламаға сәйкес әрекет етіңіз.
Егер дабыл кезінде көшеде болсаңыз, онда:
- көшедегі дауыс зорайтқыштармен және мобильді ескерту құрылғыларымен жіберілген төтенше жағдай туралы хабарламаға құлақ асыңыз;
- берілген хабарламаға сәйкес әрекет етіңіз.
