© Sputnik / Александр Кряжев
Алматы облысында ҰҚШҰ-ға мүше мемлекеттердің құтқарушылары арнайы оқу-жаттығуларын өткізеді, деп хабарлайды "Ұлт ақпарат" Sputnik Қазақстанға сілтеме жасап.
«Жартас-2024» жаттығулары Тамғалы тас шатқалында 1-5 қыркүйек күндері болады.
Ал 6 қыркүйекте «Қазқұтқару-2024» семинар-жиыны ашылады.
"Жартас-2024" атты жаттығулар Тамғалы тас шатқалында 1-5 қыркүйек күндері ұйымдастырылады. Ал 6 қыркүйекте Қазақстанның төтенше жағдайлар министрлігіне қарасты құрылымдар арасындағы "Қазқұтқару-2024" семинар-жиыны салтанатты түрде ашылады. Бұл жиындар бір аптаға созылады. 12-14 қыркүйекте Орталық Азия мен Таяу Шығыс өкілдері үшін пилотсыз авиацияны қолдану бойынша мастер-тренинг те болады.
Бұдан бөлек, семинар-жиын аясында II Республикалық еріктілер форумы өтеді. Олар төтенше жағдайлар кезінде іс-қимыл жасау мәселесін талқылайды. Форумға елдің түкпір-түкпірінен еріктілер жиналады.
510 рет оқылды
