Ақмола облысының Аршалы ауданы Бұлақсай ауылындағы мектептің жылу қазандығы жарылды, деп хабарлайды "Ұлт ақпарат" облыстық ТЖД сілтеме жасап.
Ведомствоның мәліметінше, оқиға туралы хабар бүгін сағат 13:10-да түскен.
«Төтенше жағдайдың салдарынан мектептің жылу қазандығының аумағы 7 шаршы метр болатын бір қабырғасы құлады», - деді ведомстводан.
Ақмола облысы білім басқармасының ақпараты бойынша, мектепте 114 оқушы оқиды және оқиға болған сәтте олар үйде, қашықтықтан оқытуда болған.
Қазіргі кезде Ақмола облысының полиция департаменті тексеру жүргізуде.
1237 рет оқылды
