ҚР Мәдениет және ақпарат министрі Аида Балаева жазушы, драматург Дулат Исабековтың қазасына көңіл айтты, деп хабарлайды Ult.kz.
"Адами биік қасиеттерін, даладай кең пейілін жақыннан таныдық. Соңғы кездерде апамыз өмірден өткеннен кейін көңілі түсіп, жаны жүдеп жүргендей көрінген. Отадан шыққаннан кейін Алматыда арнайы жағдайын сұрап барғанымызда мұқалмас рухына, биік болмысына тағы бір куә болып, әлі де көп жас жасарына тілек етіп едік. Амал қанша?! Дулат ағамызбен бірге бір дәуір көшкендей", – деп жазады Аида Балаева.
Айта кетейік, кеше белгілі жазушы, драматург, Мемлекеттік сыйлықтың иегері Дулат Исабеков өмірден өтті.
410 рет оқылды
