Фото: Алматы метрополитені
Алматыда метрополитенінде жолаушы рельстерге құлап кетті. Оқиғаның бейнежазбасы әлеуметтік желілерде таралды, деп хабарлайды Ult.kz.
Қайғылы оқиға «Абай» метро бекетінде болған. Алматы қаласы Полиция департаментінің мәліметіне сәйкес, рельске құлап кеткен 26 жастағы жігіт мерт болды.
— Аталған дерек бойынша тергеу амалдары жүргізіліп жатыр. Оқиға салдарынан 26 жастағы зағип жігіт көз жұмды. Оқиғаның басқа да мән-жайлары анықталады, — деп хабарлады қалалық ПД баспасөз қызметі.
Ведомствоның мәліметінше, жолаушы қаза болған «Абай» метро бекеті уақытша жабылды
Станция кезекшісі мен машинистің жедел реакциясының арқасында қозғалыс тоқтатылып, жолаушы перронға алынған.
— «Абай» станциясы тергеу әрекеттері аяқталғанға дейін құқық қорғау органдарымен жабылды. Метрополитен штаттық режимде жұмыс істейді. Алайда полиция қызметкерлері тергеу әрекеттері аяқталғанға дейін «Абай» станциясына кіру уақытша жабылатынын, сондай-ақ бұл станцияға пойыздар уақытша тоқтамайтынын атап өтті, — деп хабарлады Алматы метросының әкімшілігі.
254 рет оқылды
