Түркістан қаласындағы жаңадан ашылған әуежайдан ұшатын алғашқы халықаралық рейстерге билеттер сатыла бастады. Бұл туралы Өңірлік коммуникациялар қызметі хабарлады.
«Түркістан – Ыстанбұл – Түркістан» бағытындағы алғашқы рейс 2021 жылғы 21 наурызда ұшпақ.
Бастапқыда Түркістан және Ыстанбұл қалалары арасындағы әуе қатынасы аптасына тұрақты түрде жұма, жексенбі күндері 2 реттік жиілікпен қойылып отыр. Кейін аптасына 7 рейске дейін ұлғайып, күн сайын ұшпақ. Билет бағасы 39 999 теңгеден басталады.
Әуе қатынасы кезінде барлық тиісті санитарлық-эпидемиялық талаптар қатаң сақталады. Ұшу кестелері «FlyArystan» әуе компаниясының ресми сайтында жарияланып тұрады.
1080 рет оқылды
