Фото: Pexels.com
Блогер әрі заңгер Әлия Нұрланқызы 2025 жылдың 1 қаңтарынан бастап күшіне енетін айыппұл мөлшерлерінің тізімін жариялады, деп хабарлайды Ult.kz.
Атап айтқанда, мемлекеттік рәміздерді қорлағаны үшін азаматтарға 11 796 000 теңге көлемінде айыппұл салынады. Подъезге немесе өз пәтерінің есігінің алдына қоқыс қалдырғаны үшін 78 640 теңге айыппұл қарастырылған. Сағат 22:00-ден кейін тыныштықты бұзу, қоғамдық орындарда түкіру, сондай-ақ көлік жүргізу кезінде телефон қолдану немесе қауіпсіздік белдігін тақпау 19 660 теңге айыппұлмен жазаланады.
Сонымен қатар, құжатсыз көлік басқарған жүргізушілерге 78 640 теңге айыппұл салынады, ал автобуста жолақысын төлемегені үшін 7 864 теңге төлеуге тура келеді. Сағат 22:00-ден кейін кәмелетке толмағандардың ойын-сауық орындарында жүруіне және жолды рұқсат етілмеген жерден кесіп өтуіне 11 796 теңге және 7 864 теңге көлемінде айыппұл белгіленген.
Жылдамдықты белгіленген мөлшерден асырғаны үшін айыппұлдың көлемі құқықбұзушылық деңгейіне қарай 19 660 теңгеден 117 960 теңгеге дейін өзгереді. Қоғамдық орында балағат сөздер айтқаны үшін 78 640 теңге айыппұл салынады. Мұғалімді немесе дәрігерді қорлағаны үшін де жауапкершілік қарастырылып, айыппұл мөлшері 39 320 теңгені құрайды.
214 рет оқылды
