الماتىدا 19 مامىر كٷنٸ جۇمباق جاعدايدا جوعالىپ كەتكەن 25 جاستاعى جٸگٸتتٸڭ مەيٸتٸ تابىلدى, دەپ حابارلايدى ult.kz.
تۋىستارىنىڭ ايتۋىنشا, ەرزات ەگٸزباي قۇرىلىس نىسانىندا گەودەزيستٸڭ كٶمەكشٸسٸ بولىپ جۇمىس ٸستەگەن. ول ٸز-تٷسسٸز جوعالار كٷنٸ ەدەتتەگٸدەي جۇمىسقا كەتكەن, الايدا ٷيٸنە قايتا ورالماعان. تٷسكٸ ساعات ەكٸ شاماسىندا ول باسشىسىنان دٷكەنگە بارىپ كەلۋگە سۇرانىپ, شىعىپ كەتكەن ەكەن. كەيٸن ەرزات اۆتوبۋسقا وتىرىپ, ەڭبەكشٸقازاق اۋدانىنداعى كوسموس اۋىلىنا قاراي بەت العان. ونىڭ ۇيالى تەلەفونى سوڭعى رەت دەل سول ماڭدا تٸركەلگەن.
جوعالعان جٸگٸتتٸڭ اناسى بەينەباقىلاۋ كامەرالارىنا ەرزاتتىڭ رايىمبەك داڭعىلىنداعى مەترو ستانتسيياسىنان تٷسٸپ, كەيٸن كٶشەنٸڭ ارعى بەتٸنە شىققانى تٷسٸپ قالعانىن ايتتى. كادرلاردا ونىڭ جان-جاعىنا قاراپ, بٸرەۋدٸ ٸزدەگەندەي بولعانى بايقالادى. وسىدان كەيٸن ول اۆتوبۋسقا مٸنٸپ كەتٸپ قالعان.
تۋىستارىنىڭ ايتۋىنشا, ەرزات بۇعان دەيٸن ٷيدەن ەسكەرتۋسٸز كەتپەگەن. ولاردىڭ سٶزٸنشە, ونىڭ جۇمىستا دا, وتباسىندا دا ەشقانداي جانجال بولماعان. سونىمەن قاتار ەش جەردە ەسەپتە تۇرماعان جەنە قىلمىستىق جاۋاپكەرشٸلٸككە تارتىلماعان.
مارقۇمدى قۇقىق قورعاۋ ورگاندارىنىڭ قىزمەتكەرلەرٸ مەن ەكٸ ٸرٸ ەرٸكتٸلەر ۇيىمى ٸزدەستٸرگەن.
ەرٸكتٸلەر ۇيىمدارىنىڭ بٸرٸ ەلەۋمەتتٸك جەلٸدە جٸگٸتتٸڭ قازا تاپقانى تۋرالى حابارلادى.
«مارقۇمنىڭ تۋعان-تۋىستارى مەن جاقىندارىنا قايعىرا كٶڭٸل ايتامىز. بۇل اۋىر قاسٸرەتتٸ ەڭسەرۋگە كٷش پەن سابىر تٸلەيمٸز. ٶكٸنٸشكە قاراي, ٸزدەۋ جۇمىستارى قارالى حابارمەن اياقتالدى», - دەلٸنگەن حابارلامادا.
