قازاقستاندا ٸرٸ كٶلەمدە سالىق بەرەشەگٸ بار ازاماتتارعا ەلدەن شىعۋعا ۋاقىتشا تىيىم سالىنۋى مٷمكٸن. جاڭا تالاپ 2026 جىلعى 1 شٸلدەدەن باستاپ كٷشٸنە ەنەدٸ, دەپ حابارلايدى ult.kz.
مەملەكەتتٸك كٸرٸستەر كوميتەتٸنٸڭ مەلٸمەتٸنشە, بۇل شارا زاڭدى تۇلعالاردىڭ باسشىلارىنا, جەكە كەسٸپكەرلەرگە جەنە جەكە پراكتيكامەن اينالىساتىن ازاماتتارعا قاتىستى قولدانىلادى.
ەگەر سالىق بەرەشەگٸ 27 مىڭ اەك-تەن اسىپ, ياعني 116 ميلليون تەڭگەدەن كٶپ بولىپ, ٷش ايدان استام ۋاقىت ٶتەلمەسە, ازاماتتىڭ قازاقستاننان شىعۋىنا شەكتەۋ قويىلۋى ىقتيمال.
الايدا ۆەدومستۆو تىيىم اۆتوماتتى تٷردە ەنگٸزٸلمەيتٸنٸن اتاپ ٶتتٸ. شەكتەۋ تەك سوت سانكتسيياسىمەن جەنە مەملەكەتتٸك كٸرٸستەر ورگاندارىنىڭ ارنايى قاۋلىسى نەگٸزٸندە عانا كٷشٸنە ەنەدٸ.
سونىمەن قاتار زاڭدا ەلەۋمەتتٸك جاعدايلار دا ەسكەرٸلگەن. ەگەر ازاماتقا شەتەلدە ەم قابىلداۋ قاجەت بولسا جەنە ونى راستايتىن مەديتسينالىق قۇجاتتار ۇسىنىلسا, ۋاقىتشا شەكتەۋ توقتاتىلۋى مٷمكٸن.
مكك مەلٸمەتٸنشە, شەكتەۋ سالىق قارىزى تولىق ٶتەلگەننەن كەيٸن نەمەسە مٸندەتتەمە زاڭ اياسىندا توقتاتىلعان جاعدايدا الىنادى.
بارلىق قاۋلىلار مەملەكەتتٸك ورگاندار مەن ۇقك-نٸڭ اقپاراتتىق جٷيەلەرٸ ارقىلى ەلەكتروندى تٷردە جولدانادى.
ۆەدومستۆو جاڭا نورما سالىقتان جالتارۋدىڭ الدىن الىپ, بيۋدجەتكە تٷسەتٸن تٷسٸمدەردٸ ارتتىرۋعا باعىتتالعانىن مەلٸمدەدٸ.
ايتا كەتەيٸك, جاڭا سالىق كودەكسٸ 2026 جىلدىڭ باسىنان كٷشٸنە ەنگەن. كەيٸن پرەزيدەنت قاسىم-جومارت توقاەۆ كودەكسكە قاجەت بولعان جاعدايدا ٶزگەرٸستەر ەنگٸزٸلۋٸ مٷمكٸن ەكەنٸن ايتىپ, قۇجاتتىڭ “قاسيەتتٸ جازۋ ەمەس” ەكەنٸن مەلٸمدەگەن بولاتىن.
