استانادا شاۋرما جارناماسىن جاساماق بولعان بلوگەردٸڭ ەرەكەتٸ ەكٸمشٸلٸك قاماۋمەن اياقتالدى. ول ەلەۋمەتتٸك جەلٸگە كونتەنت تٷسٸرۋ ماقساتىندا سۋعا باتىپ بارا جاتقان ادام تۋرالى جالعان كٶرٸنٸس ۇيىمداستىرىپ, پوليتسييا قىزمەتكەرٸن ەدەيٸ جاڭىلىستىرعان, دەپ حابارلايدى ult.kz egovpress telegram ارناسىنا سٸلتەمە جاساپ.
وقيعا بارىسىندا تەرتٸپ ساقشىسى قاۋٸپتٸ جاعداي تۋرالى حابارلاماعا جەدەل ەرەكەت ەتٸپ, «زارداپ شەككەن» ادامدى قۇتقارۋعا كٸرٸسكەن. كەيٸن بۇل جاعدايدىڭ الدىن الا ۇيىمداستىرىلعان پرانك ەكەنٸ بەلگٸلٸ بولدى.
پرانك اۆتورى پوليتسەيدٸڭ ەرەكەتٸن ۆيدەوعا تٷسٸرٸپ, ونى شاۋرما جارناماسىنا پايدالانباق بولعان. تٸپتٸ كەيٸن قر ٸٸم قىزمەتكەرٸنە العىس رەتٸندە وتباسىمەن تەگٸن شاۋرما جەۋگە مٷمكٸندٸك بەرەتٸن سەرتيفيكات ۇسىنعان.
الايدا پوليتسييا قىزمەتكەرٸ ۇسىنىستان باس تارتىپ, بلوگەردٸڭ ەرەكەتٸنە قۇقىقتىق باعا بەرٸلگەن. نەتيجەسٸندە پرانك ۇيىمداستىرعان ازامات 15 تەۋلٸككە ەكٸمشٸلٸك قاماۋعا الىنعان.
بۇل جاعداي ەلەۋمەتتٸك جەلٸدەگٸ حايپ پەن جارناما قۋۋدىڭ كەيدە زاڭ الدىندا جاۋاپكەرشٸلٸككە ەكەلەتٸنٸن تاعى بٸر كٶرسەتتٸ. ال كٶپشٸلٸك جەلٸ قولدانۋشىلارى ٶز مٸندەتٸنە ادال قاراپ, قاۋٸپتٸ جاعدايعا بەيجاي قاراماعان پوليتسييا قىزمەتكەرٸنٸڭ ەرەكەتٸنە وڭ باعا بەرٸپ جاتىر.
