بالالار تاقىرىبىنا قالام تەربەپ جٷرگەن جاستاردىڭ بٸرٸ – مەيٸرجان جىلقىباي. ول «تاۋعا ساياحات», «باتىر قويان» كٸتاپتارى ارقىلى تانىلعان. بٷگٸن «ۇلت» پورتالى جاس جازۋشىنىڭ تۋىندىلارىمەن تانىستىرماق.
«تاۋعا ساياحات» ەڭگٸمەلەر توپتاماسى جاس جازۋشى مەيٸرجان جىلقىبايدىڭ العاشقى تۋىندىسى. تۋىندىدا بٸر اۋلادا تۇراتىن جانۋارلاردىڭ تاۋعا ساياحاتتاعان كەزٸندە باستان كەشكەن قىزىق وقيعالارى باياندالعان.
بۇل تۋرالى جازۋشى-درامماتۋرگ دۋلات يسابەكوۆ بىلاي دەيدٸ:
«ەڭگٸمەلەرٸنٸڭ بەرٸ شاعىن, جيناقى, تٸلٸ شۇرايلى ەكەن. ەتەشتٸ جازسىن, كٷشٸكتٸ جازسىن, بەرٸنەن دە ەرەكشە سەزٸمتالدىق, ەرەكشە بايقاعىشتىق بار. ٷي جانۋارلارىنىڭ تابيعاتى, مٸنەزٸ, بولمىسى قىسقا-قىسقا سيۋجەت ارقىلى دەل سۋرەتتەلگەن. بالالارعا ارناپ قالام تارتىپ جٷرگەن قازاق جازۋشىلارىنىڭ اراسىندا دەل وسىنداي ستيلدە جازىلعان ەڭگٸمەلەر جوقتىڭ قاسى».
ٷلكەن اعاسىنان وسىنداي جوعارى باعا العان مەيٸرجان جىلقىبايدىڭ شىعارماشىلىعى بالالارعا ارنالعان باسىلىمدار ارقىلى جاقسى ناسيحاتتالدى. مەسەلەن, ٶزٸ رەسپۋبليكالىق «ۇلان» گازەتٸنٸڭ جاس تٸلشٸسٸ بولا جٷرٸپ, جازعان دٷنيەلەرٸ «اق جەلكەن», «بالدىرعان» جۋرنالدارىنا دا باسىلىپ جٷردٸ.
جاس جازۋشىنىڭ ەرەكشەلٸگٸ ٶزنەگە دٷنيە شىعارۋعا تىرىسۋىندا. مەسەلەن, كٷللٸ ادامزات قورقاق دەپ باعالايتىن قوياندى باتىر ەتٸپ سۋرەتتەگەن تۋىندىسى سۇرانىسقا تٸپتٸ يە بولدى.
تارقاتىپ ايتساق, ەرتەگٸنٸڭ باستى كەيٸپكەرٸ – قويان ٶزٸنە دەگەن سەنٸمگە كەزدەيسوق يە بولادى. سودان كەيٸن تٷلكٸ قوياننان قاشىپ كەتەدٸ. ال قويان ٶزٸنٸڭ باتىرلىعىنا سەنە باستايدى. سٶيتٸپ قويان ورمانداعى ەڭ باتىر جانۋارعا اينالدى. جازۋشى بۇل ەرتەگٸ ارقىلى ادام ٶز كٷشٸنە سەنسە, ماقساتىنا جەتە الاتىنى تۋرالى ايتقىسى كەلەدٸ.
ايتا كەتەيٸك, «باتىر قويان» سۋرەتتٸ كٸتابى وڭتٷستٸك كورەيانىڭ ازييا مەدەنيەت ورتالىعىنىڭ قولداۋىمەن قازاق, ورىس, كورەي جەنە اعىلشىن تٸلدەرٸندە باسىلىپ شىقتى. كٸتاپتىڭ سۋرەتشٸسٸ – نام سوڭ حۋن. بۇل تۋرالى مەيٸرجاننىڭ ٶزٸ بىلاي دەيدٸ:
«ەرتەگٸ كەيٸپكەرلەرٸن بەينەلەۋ ٷشٸن سۋرەتشٸ زووباققا بارىپ, قويان, تيٸن, تٷلكٸنٸ ٶز كٶزٸمەن كٶردٸ. ٶيتكەنٸ ەر ەلدٸڭ بٸر ٶزگەشەلٸگٸ بولادى. كٸتاپتاعى جانۋارلاردىڭ تٷسٸ قاتتى قانىق ەمەس. كورەيادا بالالار كٸتاپحاناسى مەن يلليۋستراتورلار مۋزەيٸنە بارعاندا بايقاعانىم – كٸتاپتاردىڭ جالپى سۋرەتتەگٸ بوياۋ قانىق ەمەس. ٶيتكەنٸ قانىق تٷستەر بالالاردى ەپيلەپسييا اۋرۋىنا شالدىقتىرادى ەكەن. سوندىقتان كورەيادا سولعىن تٷستەردٸ پايدالانادى. جالپى, ولار كٸتاپتاعى سۋرەتكە اسا قاتتى مەن بەرەدٸ. ەگەر بالىقشىنىڭ سۋرەتٸن باسكيٸمسٸز قىلىپ سالسا, كٸتاپتى باسپا قابىلدامايدى. سەبەبٸ سۋرەتتٸ كٶرگەن بالا باسكيٸم كيمەي, باسىنان كٷن ٶتكٸزٸپ الۋى مٷمكٸن. سونىمەن قاتار «دوستىق» دەگەن كٸتاپ نازارىمدى اۋداردى. كٸتاپتى جازۋشى جازعان, بٸراق ٸشٸندە بٸردە-بٸر سٶز جوق. كٸتاپتاعى سۋرەتتەرگە قاراپ, ەڭگٸمەنٸڭ سيۋجەتٸن تٷسٸنۋگە بولادى. بەلگٸلٸ بٸر تٸلدٸ بٸلۋ دە قاجەت ەمەس. كەز كەلگەن بالا سۋرەتتەرگە قاراپ اۆتوردىڭ ويىن تٷسٸنەدٸ», - دەيدٸ مەيٸرجان.
راس, قازٸرگٸ بالالار قىزىلدى-جاسىلدى, تٷرلٸ-تٷستٸ كٸتاپتارعا قىزىعادى. سوندىقتان دا بالالارعا ارنالعان سۋرەتتٸ كٸتاپتار سۇرانىسقا يە. سەيكەسٸنشە, بالالارعا ارنالعان كٸتاپتاردى باسىپ شىعارۋ باعاسى دا جوعارى بولادى. وسىنى ەسكەرگەن مەيٸرجان جىلقىباي جوعارىدا اتاعان «تاۋعا ساياحات» اتتى كٸتابىن ەكٸنشٸ رەت باستىرعان.
جازۋشى قازاق ەدەبيەتٸندەگٸ بارلىق ەرتەگٸ كەيٸپكەرلەرٸن جيناۋدى ارماندايدى. ول ٷشٸن العاشى قادامدى جاساپ تا ٷلگەردٸ. ول – «ەرتەگٸلەر ەلٸندە» اتتى شىعارماسى. وندا پەرٸنٸڭ قىزى بەكتورى بٸزدٸڭ ەلەمگە كەلٸپ, نوۋتبۋكتار ۇرلاپ كەتٸپ, ەرتەگٸدەگٸ باتىرلاردى كومپيۋتەر ويىنىنا تەۋەلدٸ ەتەدٸ. ەندٸ ەرلٸك جاسايتىن ەشكٸم جوق. مٸنە, جاس جازۋشى وسىلايشا ٶتكەن مەن بٷگٸنگٸ زاماندى توعىستىرىپ, بالالاردىڭ ەدەبي تالعامىنان شىققىسى كەلەدٸ.
ەستەرٸڭٸزگە سالا كەتەيٸك, مەيٸرجان جىلقىبايدىڭ نەگٸزگٸ ماماندىعى IT مامانى. ول «تاۋعا ساياحات», «باتىر قويان» كٸتاپتارى ارقىلى تانىلعان. حالىقارالىق «دارابوز» ەدەبي بايقاۋىندا 2011 جىلى «قىرىق بٸرٸنشٸ ٶتٸرٸكتٸڭ سوڭى» تۋىندىسى ٷشٸن ىنتالاندىرۋ سىيلىعىن, 2015 جىلى «ساياق» ەڭگٸمەسٸ ٷشٸن جٷلدەلٸ 2-ورىندى الدى. 2017 جىلى «باتىر قويان» ەرتەگٸسٸ وڭتٷستٸك كورەيادا 4 تٸلگە اۋدارىلىپ, جارىق كٶردٸ.
