گولليۆۋد اكتريساسى ەنن حەتەۋەي ۇزاق ۋاقىت بويى دەنساۋلىعىنا قاتىستى اۋىر مەسەلەنٸ جاسىرىن ٶتكەرگەنٸن مەلٸمدەدٸ. اكتريسانىڭ ايتۋىنشا, ول ەرتە ساتىداعى كاتاراكتا سالدارىنان 10 جىل بويى سول كٶزٸنٸڭ كٶرۋ قابٸلەتٸنەن ايىرىلىپ, زاڭدى تٷردە «سوقىر» سانالعان, دەپ حابارلايدى ult.kz.
43 جاستاعى جۇلدىز بۇل تۋرالى The New York Times باسىلىمىنىڭ Popcast پودكاستىندا ايتىپ بەرگەن. ونىڭ سٶزٸنشە, اۋرۋ كٶرۋ قابٸلەتٸنە قاتتى ەسەر ەتٸپ, كەيٸن وتا جاساۋعا تۋرا كەلگەن.
«جاعدايدىڭ قانشالىقتى اۋىر ەكەنٸن تولىق كٶرە باستاعاندا عانا تٷسٸندٸم», – دەدٸ اكتريسا.
كاتاراكتا – كٶز بۇرشاعىنىڭ بۇلدىراۋى. مامانداردىڭ ايتۋىنشا, بۇل دەرت حيرۋرگييالىق جولمەن ەمدەلەدٸ. اۋرۋ كٶرۋدٸڭ بۇلىڭعىرلانۋىنا, تٷستەردٸڭ كٶمەسكٸلەنۋٸنە جەنە جارىققا سەزٸمتالدىقتىڭ ارتۋىنا سەبەپ بولۋى مٷمكٸن.
اكتريسانىڭ بۇل مەلٸمدەمەسٸ جانكٷيەرلەرٸن تاڭعالدىردى. ەلەۋمەتتٸك جەلٸ قولدانۋشىلارى ونىڭ وسىنداي قيىندىقپەن جٷرٸپ, كٶپتەگەن فيلمدەرگە تٷسٸپ, بۇل تۋرالى ەشقاشان شاعىمدانباعانىنا تەنتٸ بولعاندارىن جازدى.
ەنن حەتەۋەي «دياۆول نوسيت Prada» فيلمٸندەگٸ ەندي ساكس رٶلٸ ارقىلى كەڭٸنەن تانىلدى. فيلمدە ول سەن جۋرنالى رەداكتسيياسىنا جۇمىسقا ورنالاسقان جاس جۋرناليستٸڭ وبرازىن سومداعان. فيلم العاش 2006 جىلى شىققان, بيىل «دياۆول نوسيت Prada – 2» جارىققا شىقتى. جيىرما جىل ٶتكەندە ٷلكەن ەكرانعا قايتا ورالعان فيلم كٶپشٸلٸكتٸڭ قىزىعۋشىلىعىن تۋدىردى. سونداي-اق باستى رٶلدەردٸڭ بٸرٸن سومداعان حەتەۋەيگە دە كٶرەرمەن نازارى بۇرىلدى.
قازٸر اكتريسا جاڭا «انا مارييا» فيلمٸنە دايىندالىپ جاتىر.
