بيىل جوعارى بٸلٸمٸ بار كادرلاردى دايارلاۋعا مەملەكەتتٸك تاپسىرىس كٶلەمٸ الدىڭعى وقۋ جىلدارىنىڭ دەڭگەيٸندە ساقتالىپ وتىر. بۇل تۋرالى ٷكٸمەت وتىرىسىندا عىلىم جەنە جوعارى بٸلٸم مينيسترٸ ساياسات نۇربەك مەلٸمدەدٸ, دەپ حابارلايدى ult.kz.
ول الداعى 2026-2027-شٸ وقۋ جىلىنا 89 457 مەملەكەتتٸك گرانت بٶلٸنگەنٸن اتاپ ٶتتٸ. ولاردىڭ ٸشٸندە:
- باكالاۆرياتقا – 75 371;
- ماگيستراتۋراعا – 11 007;
- دوكتورانتۋراعا – 3 079.
مەملەكەتتٸك تاپسىرىستى بٶلۋ ەل ەكونوميكاسىنىڭ 2030 جىلعا دەيٸنگٸ قاجەتتٸلٸك بولجامىمەن سەيكەستەندٸرٸلگەن.
«گرانتتاردىڭ 60%-ى ينجەنەرلٸك-تەحنيكالىق جەنە اۋىل شارۋاشىلىعى ماماندىقتارىنا, 21%-ى پەداگوگ كادرلاردى دايارلاۋعا باعىتتالعان», — دەپ اتاپ ٶتتٸ ساياسات نۇربەك.
ۆەدومستۆو مەلٸمەتٸنشە:
- ينجەنەرلٸك, ٶڭدەۋ جەنە قۇرىلىس سالالارىنا - 19 250;
- پەداگوگيكالىق عىلىمدارعا – 13 738;
- اقپاراتتىق-كوممۋنيكاتسييالىق تەحنولوگييالار بويىنشا – 11 662;
- جاراتىلىستانۋ عىلىمدارى, ماتەماتيكا جەنە ستاتيستيكاعا – 9 363;
- اۋىل شارۋاشىلىعى جەنە بيورەسۋرستارعا – 3 145;
- دەنساۋلىق ساقتاۋ سالاسىنا – 2 700;
- قىزمەتتەر بويىنشا – 2 400;
- ٶنەر جەنە گۋمانيتارلىق عىلىمدارعا – 1 915;
- ەلەۋمەتتٸك عىلىمدار, جۋرناليستيكا جەنە اقپارات بويىنشا – 1 485;
- بيزنەس, باسقارۋ جەنە قۇقىققا – 1 423;
- ۆەتەريناريياعا – 1 275 گرانت بٶلٸنگەن.
وعان قوسىمشا ەلٸمٸزدٸڭ جوعارى وقۋ ورىندارى «سەرپٸن» باعدارلاماسى اياسىندا كەسٸپتٸك باعدار بەرۋ جۇمىستارىن جٷرگٸزۋدە. ٸس-شارالارمەن 13 مىڭنان استام وقۋشى, 2 مىڭعا جۋىق اتا-انا جەنە 700-دەن استام كەسٸپتٸك باعدار بەرۋشٸ قامتىلعان.
وسىلايشا, بٷگٸندە وقۋشىنىڭ كەسٸبي دياگنوستيكاسىنان باستاپ بٸلٸم بەرۋ باعدارلاماسىن تاڭداۋعا جەنە ودان ەرٸ جۇمىسقا ورنالاسۋعا دەيٸنگٸ بٸلٸم بەرۋ ناۆيگاتسيياسىنىڭ بٸرتۇتاس جٷيەسٸ قالىپتاسۋدا.
