Жетісу облысында ер адам өртеніп жатқан үйден үш баланы алып шыққан, - деп хабарлайды Tengrinews.kz агенттігі.
Облыстық Төтенше жағдайлар департаменті мәліметінше, 7 желтоқсанда сағат 21:40-та Панфилов ауданы, Үлкен ауылында тұрғын үй өртенген. Сағат 22:22-де 50 шаршы метр аумақта өрт сөндірілді.
Бұл ретте өртті көріп, ол туралы хабарлаған ер адам өртсөндірушілер келгенге дейін жанып жатқан үйден 2010, 2014 және 2018 жылы туған үш баланы шығарған. Сол үйде ұйықтап жатқан ересектерге көмектесіп, үйден екі газ баллонын шығарып, өз бетімен өртті сөндіруге кіріскен.
Балаларды құтқарған қаһарман қызметтен бос уақытында үйде болған Жаркент қаласы ПЧ-11 өртсөндірушісі, азаматтық қорғау кіші сержанты Айтбаев Еркебұлан Тұрғанұлы болып шықты. Өрттің алдын ала себебі - қатты отынмен жұмыс істейтін пешті пайдалану кезінде өрт қауіпсіздігі ережелерін сақтамау.
829 рет оқылды
