Фото: © lada.kz
Ақтау тұрғыны Lada.kz редакциясына балабақшада қатты жылаған баланың даусы естілетін видеоны жолдаған. Әйел мектеп жасына дейінгі балалардың көп жылайтынын, оларға ешкім назар аудармайтынын айтады. Ақтау қалалық білім бөлімі видео жарияланған соң тексеріс жүргізгенін мәлімдеді, - деп хабарлайды Massaget.kz порталы.
Ақтау қалалық білім бөлімі өкілдері жекеменшік балабақшаны тексеру қорытындысын жариялады.
"Мән-жайды анықтау барысында, бала анасы кеткеннен кейін жаңадан қабылданған тәрбиеленушілер арасында бейімделу кезеңінен өтіп, жылап жатқаны анықталды. Мұғалім бірден баланы тыныштандыруға кірісті. Сол уақытта анасына телефон соғып, баласының жағдайын ескерткен. Анасы келгенге дейін баланы қолына алған мұғалім оны жұбатқан. Сондай-ақ кез келген бала балабақшаға барған кезде бейімделуден өтетінін атап өткен жөн", - деді министрлік өкілдері.
Бұған дейін әйел Lada.kz сайтының редакциясына видео жолдаған. Оның айтуынша, балабақшада балалар көп жылайды.
"Бұл балабақшада әлі сөйлей алмайтын кішкентай бүлдіршіндер бар, олар 30-40 минут жылай береді, тәрбиешілер оларды жұбатпайды. Мен жақын жерде тұрамын, көшеде отыру мүмкін емес, балалардың жылаған даусынан жүрегім ауырады", - дейді Ақтау тұрғыны.
609 рет оқылды
