Қаржы министрі Ерұлан Жамаубаев жекешелендіру кешенді жоспары қалай жүзеге асырылып жатқанын айтты, деп хабарлайды ҚазАқпарат.
«Жекешелендірудің 2021-2025 жылдарға арналған кешенді жоспарында 721 нысанды сату көзделген. Есепті кезеңде жалпы саны 670 нысаннан сомасы 60 млрд теңгеге 224 нысан сатылды және кейіннен сатып алу құқығымен сенімгерлік басқаруға берілді», - деді Ерұлан Жамаубаев бүгін Үкімет отырысында.
Оның дерегінше, қазіргі уақытта 67 нысан сатылуға қойылған.
«48 нысан қайта ұйымдастырылды және таратылды. 331 нысанды сату қажет», - деді министр.
575 рет оқылды
