Жаңаөзен қаласында бұралқы иттер қызды талап тастай жаздады, деп хабарлайды Sputnik Қазақстан агенттігі "Актау-Лада" порталына сілтеме жасап.
13 жастағы қыз көшеде келе жатқан. Сол кезде оны бұралқы иттер қоршап, талап кете жаздаған. Куәгерлер жануарларды үркітіп, баланы құтқарып қалған.
Айта кетері, жақында Ақтөбе қаласында жантүршігерлік оқиға болды. Бұралқы иттер 12 жастағы баланы талап тастады. Қылмыстық кодекстің 99-бабы (Адам өлтіру) бойынша сотқа дейінгі тергеу шаралары басталды.
Осы оқиғадан кейін марқұмның туған-туыстары бұралқы иттерді атуды талап етті. Ал жергілікті тұрғындар иттерді өз бетінше аулауға шықты.
Айта кетері, 2022 жылы 2 наурызда Қазақстанда "Жануарларға жауапкершілікпен қарау туралы" заң күшіне енген болатын. Оған сәйкес, емдеуге келмейтін және агрессивті иттерді ғана өлтіруге рұқсат беріледі. Ал қалған жануарларды стерилизацияға жіберу керек.
1290 рет оқылды
