Фото: Polisia.kz
Жамбыл облысында жезөкшелер үйін ұйымдастырып, жеңгетайлықпен айналысқан күдіктінің ісі әшкере болды, – деп хабарлайды "Ұлт ақпарат" Polisia.kz сайтына сілтеме жасап.
Жамбыл облысы ПД ұйымдасқан қылмысқа қарсы күрес басқармасының қызметкерлері “Stop трафик” жедел алдын алу іс-шарасы шеңберінде жедел ақпаратты жүзеге асыру барысында клиенттерге ақша үшін қыздардың интимдік қызметі ұсынылған кафені анықтаған.
"Заңсыз қызметті ұйымдастырды деген күдікпен ойын-сауық мекемесінің әкімшісі ұсталды.
50 жастағы әйелге қатысты ҚР Қылмыстық кодексінің 309-бабы 1-бөлігі (Жезөкшелiкпен айналысуға арналған притондар ұйымдастыру немесе оларды ұстау және жеңгетайлық) бойынша сотқа дейінгі тергеу амалдары басталды.
Ұсталған адам өз кінәсін толығымен мойындады, қазіргі уақытта келу туралы міндеттемемен босатылды. Қолма-қол ақша және телефон түріндегі заттай дәлелдемелер алынды" - делінген хабарламада.
988 рет оқылды
