Бірыңғай жинақтаушы зейнетақы қоры 2023 жылға арналған зейнетақы жинақтарын пайдаланудың шекті мәнін жариялады, - деп хабарлайды "Ұлт ақпарат" БЖЗҚ баспасөз қызметіне сілтеме жасап.
Қазақстанда жеткіліктіліктің жаңа шегі 2023 жылдың 1 қаңтарынан бастап күшіне енеді. 2023 жылға белгіленген шек жас мөлшеріне байланысты 3-тен 10 миллион теңгеге дейінгі соманы құрайды.
"Кейбір шекті мәндердің өзгеруі оларды есептеу кезінде жыл сайын индекстелетін ең төменгі жалақы, ең төменгі зейнетақы, ең төменгі күнкөріс деңгейі сияқты әлеуметтік көрсеткіштердің ескерілуімен түсіндіріледі.
2023 жылға ең төменгі жалақы 70 мың теңгені, ең төменгі зейнетақы 53 076 теңгені, мемлекеттік базалық зейнетақы төлемінің ең төменгі мөлшері 24 341 теңгені, ең төменгі күнкөріс деңгейі 40 567 теңгені құрайды деп көзделген. Шекті мәндерді есептеу кезінде ескерілетін басқа да әлеуметтік маңызды көрсеткіштердің де мөлшері көтерілді", - делінген БЖЗҚ хабарламасында.
1908 рет оқылды
_140_110.jpg)
