Фото: ©РИА Новости
"Яндекс.Такси"-ге қатысты әкімшілік құқықбұзушылық туралы хаттама толтырылды, - деп хабарлайды "Ұлт ақпарат" Бәсекелестікті қорғау және дамыту агенттігінің баспасөз қызметіне сілтеме жасап.
Ведомство мәліметінше, БАҚ беттерінде жүргізушілер мен тұтынушылардың жасаған мәлімдемелерін назарға ала отырып, Яндекс.Такси таксомоторлы агрегаторына қатысты сот процестеріне байланысты Яндекс.Таксиге қатысты тергеу тоқтатылған.
Агенттік 2022 жылы 2020-2021 жылдар кезеңінде таксидің ақпараттық-диспетчерлік қызметтерінің тауар нарығына талдау жүргізген.
"Талдау нәтижелері бойынша, Яндекс.Такси нарығының үлесі Алматы қаласы бойынша 2020 жылы - 83,78 пайыз, 2021 жылы – 84,34 пайыз болған. Астана қаласы бойынша 2020 жылы - 60,7 пайыз, 2021 жылы 67,3 пайыз. Яндекс.Такси сервис қызметі туралы ақпарат беруден жалтарып, талдау жүргізуге кедергі келтірген, бұл сот талқылауларының нәтижелері бойынша расталды.
Талдау нәтижелері бойынша Яндекс.Такси 2 жыл немесе одан да көп уақыт бойы тұрақты өскені анықталып, аталмыш нарықтағы тауар айналымының жалпы жағдайларын бақылауға және айтарлықтай әсер етуге мүмкіндік алғандығы белгілі болды.
Осыған байланысты, жүргізушілер мен сервис тұтынушыларының көптеген шағымдары негізінде Яндекс.Таксиге қатысты монополияға қарсы жоғары бағаларды белгілеу рәсімдері бойынша монополияға қарсы тергеу басталған.
Яндекс.Такси комиссиясының мөлшері нарықтағы ең жоғары деңгейде және ҚҚС есебімен 17 пайыздан басталады. Яндекс.Таксиден басқа жүргізушілерден серіктестер такси парктерінен 4 пайыз комиссия алады" - делінген хабарламада.
Бұл жағдайлар такси қызметтері құнының жалпы қымбаттауына және сервис жүргізушілеріне шамадан тыс жүктеме әкеледі. Алайда, Яндекс.Такси тергеуді бастау туралы монополияға қарсы органның бұйрығына шағымданған.
"Бірінші сатыдағы сот шешімінен сот зерттеген мән-жайлар мен заңнама нормаларының жиынтығы монополияға қарсы органның бұйрықты қабылдау жөніндегі іс-әрекеттерінің заңдылығы мен негізділігін дәлелденді. Мұндай жағдайларда Яндекс таксидің монополияға қарсы органның әрекеттерін заңсыз деп тану бөлігінде талап-арызын қанағаттандырудан бас тартуға жататынын, өйткені сотта бұйрықты қабылдау кезінде жауапты тарапынан қандай да бір заңсыз іс-әрекеттер белгіленбеген.
Бірақ сот тауар нарығын талдаудың 2022 жылғы кезеңінде болмауына байланысты тексерілетін кезеңнің бір бөлігін жою туралы шешім қабылдады. Қазіргі уақытта монополияға қарсы орган 2022 жылға арналған тауар нарығына талдау жүргізіп жатыр. Алайда Яндекс.Такси қайтадан уәкілетті органның заңды талаптарын орындаудан жалтарып, қажетті ақпаратты бермей келеді, бұл агрегатор тарапынан монополияға қарсы іс жүргізудің қасақана кешіктіріліп жатқанын көрсетеді.
Осыған байланысты, Яндекс таксиге қатысты әкімшілік құқық бұзушылық туралы хаттама жасалды" - делінген ведомство хабарламасында.
720 рет оқылды
_140_110.jpg)
