Алматы облысына қарасты Үшарал қаласында 7 адам иістен уланып қалды. Бұл жайында ҚР ІІМ Төтенше жағдайлар комитетінің ресми өкілі Нұрсұлтан Нұрахметов айтты, деп хабарлайды ҚазАқпарат тілшісі.
"2 наурыз күні таңертең Алматы облысына қарасты Алакөл ауданының Үшарал қаласында жеке тұрғын үйдегі қатты отынмен жанатын пештегі ақау салдарынан 7 адам, оның ішінде 2013 және 2018 жылы дүниеге келген екі бала иіс тиіп уланып қалды. Жедел жәрдем көлігінде 1962 жылы дүниеге келген азамат көз жұмды, қалған 6 адам ауруханаға жеткізілді", - деді ол.
1892 рет оқылды
