видеодан алынған кадр
Түркістан облысында жантүршігерлік жол апаты болып, 9 адам қаза тапты, - деп хабарлайды "Ұлт ақпарат" POLICE_of_KZ телеграм-арнасына сілтеме жасап.
17 шілде сағат 09:00 шамасында Бәйдібек аудандық полиция бөліміне Шаян ауылы маңында жол апаты болғандығы туралы хабарлама келіп түскен.
"Облыстық маңызы бар Екпінді-Созақ тасжолы бойында Nissan, Toyota Camry және Volkswagen Grafter автокөліктері соқтығысқаны анықталды. Апат салдарынан көлік құралдары өртенген.
Нәтижесінде 9 адам қаза болып, 13 адам ауруханаға жеткізілді. Екі адам медициналық көмектен бас тартты", - деді Түркістан облысы ПД бастығының бірінші орынбасары Бағланбек Айтпаев.
Алдын ала мәліметтер бойынша, Nissan автокөлігі қарсы бағытқа шығып кеткен. Оқиға орнына бірден Түркістан облысы ПД басшылығы барды.
Қазір ЖКО бойынша Бәйдібек АПБ полицейлері жұмыс жасап жатыр. Оқиғаның толық мән-жайы анықталуда. Бұл факт ҚР ҚК-ның 345-бабы бойынша СДТБТ-ға тіркелген.
1071 рет оқылды
