CC0 / Pixabay.com/Vzsuzsi /
Түркістан облысының тұрғыны өз бейнежазбасында мазараттағы адамдар бейнесі салынған көктасты белгісіз біреу сызып, бояп тастағанын жеткізген, - деп хабарлайды "Ұлт ақпарат" ІІМ баспасөз қызметіне сілтеме жасап.
"Аталған жайт ҚР ҚК-нің 294-бабы 1-бөлігі бойынша тіркеліп, тергеу амалдары басталды. Теріс қылықты жасаған 11 жасар кентаулық жасөспірім екені анықталды" - делінген ведомство хабарламасында.
Белгілі болғандай, жасөспірімнің үйі мазарат маңында орналасқан. Үйінен ойнап шыққан бала, мазараттан көк түсті бояу тауып алып, жерленген бірқатар адамның көктасын, сондай-ақ олардың қоршауын бояп шыққан. Ал әкесі ұлының балалықпен жасаған іс-әрекетіне өкініп, кешірім сұраған.
Қазір оқиғаның толық мән-жайы анықталып жатыр.
1016 рет оқылды
