Түркістан облыстық Полиция департаментінің есірткі қылмысына қарсы іс-қимыл басқармасының қызметкерлері Сарыағаш аудандық полиция бөлімінің қызметкерлерімен бірлесіп, жедел-іздестіру іс-шаралары барысында есірткі сақтаған Сарыағаш ауданының тұрғынын ұстады.
Polisia.kz сайтының хабарлауынша, жедел уәкілдер күдіктінің үйін тінту кезінде ауладан өсімдік тектес есірткі заты бар полиэтилен пакеттерін тапты. Жүргізілген сараптамаға сәйкес, айғақты зат ретінде алынған есірткі заты жалпы салмағы 13,5 кг-нан асатын «кептірілген көкнәр» болып шықты.
Аталған жайт ҚР ҚК-нің 296-бабының 4-бөлігі «Есірткі, психотроптық заттарды, олардың аналогтарын өткізу мақсатынсыз заңсыз қолдану» бойынша Сарыағаш аудандық полиция бөлімінің сотқа дейінгі тергеуінің бірыңғай тізіліміне тіркелді.
«Қазіргі уақытта полиция қызметкерлері ер адамның аса ірі мөлшерде есірткіні қандай мақсатпен сақтағанын анықтауда. Күдікті қамауға алынды. Тергеу амалдары жүргізілуде»,-делінген хабарламада.
835 рет оқылды
