Фото: instagram.com/toregalitoreali
Әлеуметтік желіде Алматыдағы көшелердің бірінде Lexus көлігі жүргізушісінің ұсталған сәті тарады. Оқиға куәгерлері мен желі қолданушылары көлікте болған азамат - танымал әнші Төреғали Төреәлі екенін айтып жатыр. ІІМ баспасөз қызметі осы дерекке қатысты пікір білдірді, - деп хабарлайды "Ұлт ақпарат".
Алматы қалалық Полиция департаменті мәліметінше, 14 маусымда Майлин көшесінің бойында, солтүстік бағытта, жергілікті полиция қызметінің мамандандырылған батальонының экипажы 1992 жылы туған А. есімді (Уикипедиядағы мәлімет бойынша, Төреғали Төреәлінің тегі - Алиханов, - ред.) азаматтың басқаруындағы Lexus автокөлігін тоқтатқан.
"Жүргізушінің мінез-құлқы өрескел болып көрінді: ол агрессивті болды, полицияның заңды талаптарына бағынбады, тұрақта тұрған Chevrolet көлігіне зақым келтіріп, ұсталған орнынан қашып кетпек болды.
Құқық бұзушының жолы бұғатталды. Патрульдік полиция қызметкерлері оны ұстап, медициналық тексеруге алып барды. Сараптама нәтижесінде А. есімді азаматтың есірткіге мас екендігі белгілі болды.
ҚР ӘҚбК-нің 608 бабы 3 бөлігі, ҚР ӘҚбК-нің 613 бабы 1 бөлігі, ҚР ӘҚбК-нің 599 бабы 1 бөлігі, ҚР ӘҚбК-нің 596 бабы 3 бөлігі, ҚР ӘҚбК-нің 600 бабы 1 бөлігі және ҚР ӘҚбК-нің 230 бабы 2 бөлігі бойынша хаттамалар толтырылды" - делінген хабарламада.
Көлік мамандандырылған айыппұл тұрағына қойылған. Өндіріс материалдары шешім шығару үшін сотқа жіберіледі.
1364 рет оқылды
