Фото: Akorda.kz
Сыртқы істер министрлігінің ресми өкілі Айбек Смадияров Президент Қасым-Жомарт Тоқаевтың Өзбекстан президенті Шавкат Мирзиеевпен кездесуі неге Шымкентте өткенін түсіндірді, - деп хабарлайды Tengrinews.kz сайты.
Смадияровтың айтуынша, Шымкенттегі бейресми кездесуге қаланың Өзбекстанмен шекарада орналасуы себеп болған.
"Білесіздер, Өзбекстан ең жақын серіктестеріміздің бірі және мемлекет басшылары Шымкентте кездесуді ұйғарды, өйткені бұл миллион халқы бар өте үлкен қала және Өзбекстанмен шекарада орналасқан. Бізде осы бағыттағы сауда, транзиттік әлеует өте белсенді дамып келеді. Мәдени байланыстар. Сондықтан, Қазақстанның басқа қалаларында емес, Шымкентте болғаны қисынды", - деді Айбек Смадияров ведомствода өткен брифинг барысында.
Еске салайық, 3 наурызда Шымкентте Мемлекет басшысының Өзбекстан президенті Шавкат Мирзиеевпен бейресми кездесуі өтті.
748 рет оқылды
