Алматы облысының әкімі Амандық Баталов Талдықорғандағы Нұрғиса Тілендиев атындағы музыкалық мектептің жекеге өтуіне қатысты пікір білдірді, деп хабарлайды "Ұлт ақпарат".
«Мектептер жекеменшікке берілмейтінін кім айтты? Әзірге ешкімге берілген жоқ. Тек (Н. Тілендиев атындағы саз мектебі - ред.) сенімгерлік басқаруға берілуде. Жұмыстар әлі жүріп жатыр. Шешім әлі қабылданған жоқ», - деді Амандық Баталов бүгін елордадағы Орталық коммуникациялар орталығында өткен брифингте.
Өңір басшысының айтуынша, өнер ордасы жеке кәсіпкерге сенімгерлік басқаруға берілгеннен кейін, құрал-жабдықтар жаңаланып, ұстаздардың жалақысын көтеру сынды мәселелер де шешімін табады.
Естеріңізге сала кетейік, Алматы облысында Нұрғиса Тілендиев атындағы саз мектебінің ұстаздары мекеменің жекеге өткенін білмей қалғанын айтып, наразылық білдірген болатын. Олардың сөзінше, мекеме директоры сенімгерлік басқаруға беру шешімін ұжыммен ақылдаспай қабылдаған. Ұстаздар өнер ордасы жекенің қолына өткеннен кейін, төлем ақысы бірден көтеріліп, талантты балалардың үйірмелерге қатысуға мүмкіндіктері болмай қалатынына алаңдаулы. Артынша мұғалімдер де жұмыссыз қалатынына болжам жасап отыр.
1881 рет оқылды_140_110.jpg)
_80_80.jpg)
