Атырау облысындағы Теңіз мұнай кен орнында жарылыс болып, салдарынан екі жұмысшы қаза тапты, деп хабарлайды "Ұлт ақпарат" Атырау облысының полиция департаментіне сілтеме жасап.
Жарылыс құбырды сынақтан өткізу кезінде болған. Болжам бойынша, құбыр қысымға төтеп бере алмаған.
"6 шілде сағат 09:55 шамасында Жылыой ауданындағы Теңіз кен орнында құбыр жарылды. Салдарынан 1985 жылғы екі жұмысшы мерт болды. Түрлі жарақат алған үш жұмысшыға медициналық көмек көрсетіліп жатыр", - деп мәлімдеді полиция.
Бұл фактіге қатысты Қылмыстық кодекстің 156-бабы 3-тармағы бойынша (Еңбектi қорғау қағидаларын бұзу) тергеу басталды. Өзге ақпарат Қазақстан ҚІЖК-нің 201-бабына сәйкес жариялауға жатпайды.
774 рет оқылды
