ҚМА TasksCat интернет жобасынан қаржы пирамидасы белгілерін анықтады, - деп хабарлайды "Ұлт ақпарат" ведомствоның баспасөз қызметіне сілтеме жасап.
"Азаматтарға тапсырмаларды орындау арқылы 2500 теңге көлемінде табыс табу ұсынылды. Жаңа қатысушыны шақырғаны үшін төлемдердің 5-15 пайызы төленуі тиіс еді. Ұйымдастырушылар өз қызметін 100-1000 пайыз кірістілікпен "кешенді жобалар" сатқан. Сондай-ақ, жаңадан келгендерді табысқа жету жолы мен жеңімпаздардың суретін жариялау арқылы да қызықтырған.
Мониторинг жүйелері қаржы пирамидасының сайты жұмыс істемейтінін анықтады. Сайтты бұғаттау және халықты жинағын жоғалту қауіпінен қорғау жұмыстары жүргізіліп жатыр", - делінген хабарламада.
ҚМА мәліметінше, қылмыстық құқық бұзушылық белгілерін анықтау мақсатында Telegram желісінде көрсетілген мәлімет ақпараттық кітапқа тіркеліп, тиісті қорытынды жасау үшін ҚНРДА жолданады. Тексеру қорытындысы бойынша құқықтық баға беріліп, процессуалдық шешім қабылданады.
679 рет оқылды
_140_110.jpg)
